| M.M.Thaiang Jowai: Ha ka kyrwoh ba la phah da ka Centenary Celebration Committee Kyndongtuber, Parish Mooksiang-Phramer, West Jaintia Hills District, la ong ba ki paidriewngeit ka Balang Katholik Kyndongtuber kin pynkut ia ka jingrakhe jingdap shispah snem ka jingwan ka Balang Katholik ha shnong jong ki ha kane ka 17 tarik mynta u bnai bad yn nangpynkhraw shuh shuh ia kane ka sngi da ka Proseshon Iukharist. La ong ruh ba ha ka 17 tarik ha ka por 9.30 AM yn sdang ka jinglehniam da ka jingduwai bad jingruwai step nangta bud sa ka jingknia Mass bakhuid da ki Lyngdohsohblei kum ka dak ka jingainguh bad sngewnguh ia u Blei Uba la kyrkhu kyrdoh ia ki paidriewngeit jong ka Balang ha kine ki shispah snem kiba la dep bad h ka juh ka por ban nangpan shuh shuh ia ka jingkyrkhu kyrdoh jong u Blei ba ki paidriewngeit jong ka Balang kin nangroi nangpar ha ki snem ki ban dangwan ha ka jingimbha im miat ha ka imlang ka sahlang hapoh shnong hapoh thaw bad hapoh ka Balang. Na ka liang ki para bangeit jong ka Balang Kyndongtuber ki khot ki wer ia ki Paradoh Parasnam jong ka Bri u Hynniewtrep bad ia ki paidriewngeit ka Diocese Jowai ba kin iawan shongshit ban ia sakhi lang ia kane ka sngi pynkut ia ka jingrakhe jingdap shispah snem jong ka Balang bad ban ia shim bynta ha ka Peoseshon Iukharist jong ka Parish St. Claret Mooksiang ha shong jong ki. |
Phi don ban ong eiei?