Yn pynkup burom ka KSU Pynursla

Shillong, 23 K’lyngkot:
Ka seng KSU South Central East Circle, Pynur sla kan pynlong ia ka jing pynkup burom ba la tip kum ka khusnam ksan rngiew 2013 sha kito ki samla pule jong ka thain Riwar Mihngi kiba la pas bha ha ki eksam bapher bapher.
Ia katei ka khusnam yn sam hapoh ka iing Dorbar Dong Nenggate ha ka 31 tarik Kyllalyngkot ha ka por 1 baje janmiet.
Na ka liang jong ka seng ka iawer ia baroh ki dkhot na man la ki unit bapher bapher kiba hap hapoh ka jingkdup jong ka South Central East Circle ba kin sngewbha ba kin iapoi ha katei ka sngi.
Ha kajuh ka por katkum ka kyrwoh khubor ba la pyllait da u Secretary ka seng u Bah Victor More Khongtir u la ong ba ka seng ka maham ia baroh ki Kontraktor kiba pyntrei ia ki kam ha ki tnad bapher bapher hapoh ka dong ka thain baroh kawei ba ki dei ban shimkhia ban pyndep hok ia la ka kamram kum ba la bynshet ha ki ha kaba iadei bad ka surok ban leit sha Nongskhen bad Nongjri.
La ong ba ka seng ka la lap ha ka RTI ba kito ki Kontraktor kiba dei ban pyntrei ia kitei ki surok bad kin pyndep noh katkum ka por ba la buh da ka tnad PWD.