Shillong:U Deputy CEM u Bah P N Syiem uba bat ruh ïa ka tnat Elaka hapoh KHADC ha ka dorbar lyiur u la ong ba ka Council kan pynkhlaiñ shuh shuh ïa ki aiñ jong Hima, khnang ba ki Rang bah Shnong kin ïoh bor ban tehlakam haba ïadei bad ka jingai wai ïing ha la ki shnong ki thaw.
Ïa katei u la jubab ïa ka phang ba la wanrah da u MDC ba shu shah thung u Bah Bindo M Lanong uba la kren halor ka jingïaumsnam ha Manipur hynrei kaba la wanrah jingma pat ïa ka jylla na ka jingwan phetwir ne rieh tngen ki nongshong shnong ka Manipur kum ki Kuki, ki Meitei bad kiwei ha ki shnong Khasi.
U Deputy CEM u la ong ba yn hap pynkhlaiñ ïa ki aiñ ka KHADC kumba la ithuh da ka riti synshar ka Ri India.
“Ngi hap ban don ki ILP shnong la jong, ngi donkam ban wad na kano ka kyndon ne rule ban ïoh bsuh ïa ka ILP shnong ban pynsuk ïa ki Rangbah Shnong ban ujor ne pyntip,” ong u Deputy CEM.
U la kubur ba kane ka mat ka long kaba kongsan bha bad u la kyntu ïa ka sorkar Pdeng ban shim khia naba bun na ki nong Manipur ki la kylla phetwir sha Thailand hynrei ki poi ruh sha Meghalaya kaba kadei kaba khamjan.
U la ong ruh ba ka EC thymmai kan buddien ïa ki kam ba la leh da ka EC barim bad ban thoh shithi sha ki Rangbah Shnong ban pynthikna ïa kaei kaba la pynbna da ka EC barim.
U Bah Bindo Lanong haba wanrah ïa kane ka phang u la ïathuh ba ha Shillong ki la bun bha kiba wan na Manipur, kine ki wanrah bad buh ïa ka imlang sahlang ha ka jingeh, tieng ruh ïoh ki shong bad wad jaka sah shyrta.
U la ong ba ka EC ka dei ban bthah ïa ki Rangbah Shnong ban pyntip sha ka Council bad sha ki bor Sorkar halor kine ki phetwir.
U la ïathuh ba kane ka la jia ha Manipur ha u bnai Jymmang na ka daw ba ka kynhun jaitbynriew Meitei kaba don 53% ka jingbun paid ka la dawa kyrdan Schedule Tribe bad kaba pynlyngngoh ba kumno ka High Court Manipur ka rai ban ai ST, katba ka High Court Meghalaya wat tang ïa ka Roster System ruh kam lah rai, kane ka la don ka jingpyrkhat lypa.
Ki MDC kiba la shimbynta lang ïa kane ka phang ki long u Bah Titosstarwell Chyne, u Bah Jambor War, Bah Latiplang Kharkongor uba la ïathuh ba ha Shnong Madanrting bad Lapalang ki nong Manipur ki wan manla ka sngi, por shiteng mied ruh ki wan sah ha Ïing ki para jait lajong bad u ïathuh ruh ba ka jingeh ïa ki Rangbah Shnong ka long ba lada ki ïohbat shano kin aiti.
lah trei ka shi kham bad hadien da lah bun paid kine lah mih sa ka jingdawa ngi dawa iaka hok bad kan ia ong ba dei hapoh india ba don hok.Shano jah ki nongieid Ri/nongkitkam shnong/seng samla ka shnong kine kum madanryting/nongrim hills/lapalang/.Lada lap rah ia kine ki phetwir sha police station. ka kamram u pulit bad um dei ban shu sngap ioh kylla phetwir kum kine ialade.
ka ri khasi kam dei ban long ka GLOBAL Refugee village ioh shu jah klep naka sla pyrthei.