Yn pyniaid kali ki pulit ha ka por mynmiet ruh

Shillong, 16 Naitung:
Ban lap ia kiba niah kali thurmur ba la wanrah ia ka jingmynsaw bad iap ha ka nongbah ka tnad pyniaid ka Shillong Traffic Police (STP), ka la rai ban buh noh da ki nong pyniaid kali ha ka por mynmiet ha kylleng jong ka nongbah ban khmih bniah ia ki nongpynkhein ain.
Uwei u heh pulit bym kwah ban pynpaw kyrteng u la ong ba ki pulit pyniaid kali kin sa buh noh da ki apmiet ban pyn thikna ba ki kali kin ym rung ha ki surok ba iaid tang na kawei ka liang ka bym dei.
Ha ka jingshisha ki la don shibun ki jingjia ba sngewsih ba la jia ha ki por ba la leit ha kaba la duh ei ia ki mynsiem ba kordor, tang namar ba ki paidbah ki pynkhein ia ki ain bad ki kyndon jong ka traffic.
U la ong ba ka surok kaba lah ban iaid tang kawei ka lynti na Barik Point sha Civil Hospital bad sa kawei kaba kham bun kali eh na IGP Point sha Khyndai lad la la wanrah shibun ki jingmynsaw tang namar ka jingniah khlem akor jong ki driver, khamtam lei lei ha ka por miet kaba buh ia ka jingma ia ki paidbah. Halor kane, ka Traffic Police ka la kyn tu ia ki paidbah baroh ban pule bad burom ia ka sainbud (signboards) ha kaba iadei ia ki ain bad ki kyndon jong ka traffic ban iarap na ka jingdheng kali.
Ka jingpynkhein ia ki kyndon ka traffic la iohi kum kawei na ki jingeh ba khampaw ha ka nongbah kaba wanrah ia ka jingdheng kali.