Yn pyni ia ka jingkhuid ka Mawlynnong ha Delhi

Shillong, 22 Nailar:
Ka phlim lyngkot kaba kyrteng ka ‘Hygiene – A Tradition’ kaba dei shaphang ka jingkhuid ka shnong Mawlynnong kaba don ha East Khasi Hills, ka Meghalaya yn sa pyni ha ka Woodpecker International Film Festival (WIFF) ha nongbah Delhi.
Ia kane ka phlim Mawlynnong ba la shna da u Kailash Bhutani la jer ruh kum ka ‘God’s own garden’ (Kper Jong u Blei) kaba khuid tam ha ri Asiayn pyni ha kane ka tamasa kaban long naduh ka 15 tarik haduh 18 tark Nailur 2016 ha Siri Fort auditorium , New Delhi.
Kane ka dei ka tamasa pyni phlim kaba saw ha kaba yn pyni haduh 94 tylli ki phlim na 7 tylli ki ri bad 35 tylli ki nongbah. Na kane ka thain North East ki don 12 tylli kiban iashim bynta ha kane ka jingiakop.
Ki phlim ki iadei ia bun ki kam kynthup ka jingpynneh ia ka mariang, ka jingiada, jingaibor ia ki kynthei, ki kam shongkha shongman, ka jingiada ia ki khlaw ki btap bad kiwei.
Ia kane ka jingiakop pyni phlim la seng da u Director kane ka Woodpecker International Film Festival (WIFF) u Narender Yadav.