New Delhi: Ka Reserve Bank of India, kam don jingthmu ban weng noh ia ki kot 500, na iew lane ban pynmih biang ia ki kot 1,000, ong U Shaktikanta Das, Governor ka RBI mynta ka sngi.
“Kam don kano kano ka jingthmu ban pynduh noh ia ki kot 500 lane ban pynmih biang ia ki kot 1,000 bad ngi ai jingmut ia ki paidbah, ba kin nym shu mutdur ruma satia” ong U Das, haba kren sha ki kotkhubor. Katei ka jingkren jong U Das, ka dei, hadien ba la pynduh noh ia ki kot tyngka 2,000 bad u iathuh ruh ba haduh mynta, ki don 50 percent, ki kot 2,000 kiba la wan phai biang bad katei ka la poi sha ka T.1.82lak klur. “Ki don baroh T.3.62 lak klur, ki kot 2,000 kiba iaid iew ha kine ki sngi bad hadien ba la pynbna, ki wan phai noh T.1.8lak klur bad ki wan phai, kumba mar shiteng” ula ong shuh shuh bad la iathuh ba 85 percent, ki wan phai na kaba thep ha Bank bad sa kiba sah, ki wan, da ka exchange.
Ka RBI, ha ka 19tarik Jymmang, ka pynbna, ban pynduh noh ia ki kot 2,000 bad la iathuh ba kitei ki pisa, kin dang iai bteng hi ban neh, ha kajuh hi ka dor bad la ai por ban thep noh ia kitei ki pisa hapoh Bank, haduh ka 30tarik Nailur 2023.
Lada wan sorkar da kawei dei ban pynkylla biang ia ka pisa, tangba kaba heh tam dei ka 500 tyngka bad mdei shuh ban pynheh tam nangta namar ka wanrah jingeh
Lah dei ban pynkut noh tang ha ka kot 200 namar jynjar ngi kiba shong dukan ym ju ioh khutia dei ban pynbun ki 10 tyngka