Shillong, 15 Jymmang: Ar sngi shuwa ka elekshon MP shiteng samoi ha Tura Konsti twensi ka ladon ka jingsam kot lyngkdop sha ki paidbah bad ikatei ka dei ka kot lyngkdop kaba la thoh ha ka kyrteng ka Rashtriya Swayam Sevak Sangh (RSS). Ha katei ka kot lyngkdop kaba lyngkot ki jingthoh ki don ki jingthoh kiba la thoh ‘ka jinglong Kristan ka dei ka Samasya bad ka Mishon jong ngi dei ka GharWapsi’.
Nangta la thoh biang ‘Nangne shakhmat ym donkam Kristan tang ka Hindutva! Yn ym don Bible tang ka Bhagavad Gita!’ katei ka jingthoh ka la ong biang ‘Kylla noh lane mih noh na ka Hindu Rashtra jong ngi-yn pyndam noh ia ki Kristan ha u snem 2021’ kham sharum la thoh pat ha ka ktien Hindi kaba ong ‘Hindu Rashtr Banake Rehengey’ haba kut katei ka jingthoh la thoh ‘Jai Sri Ram-Jai Sri Ram-Jai Sri Ram’.
Ia katei ka jingthoh la sam paidbah ha ri lum Garo Hills ha ka dur jong ka kot lyngkdop ha kaba don na ki nongialam ka seng Congress kiba la ioh ia katei ka jingthoh bad ki la ujor sha ka Election Commission da kaba kdew ba katei ka jingthoh ka wanran ia ka jingpynpait jaitbynriew bad ka don kijingkren kiba pyn ia isih jaitbynriew.
Tang mar ia ioh ia kitei ki jingthoh ki heh ka All India Congress Committee kila ujor sha u Chief Election Commissioner bad ia ki jingujor la soi da u B.K Hari Prasad General Secretary AICC, Vijay Laxmi Sadhu Secretary Incharge ka Meghalaya bad u K.C Mittal Secretary LHR. Hadien ba la ioh ia katei ka jingujor u Returning Officer u la hukum ia u Officer Incharge ka Tura Police Station ba un ujor FIR ban tih bniah ia katei ka kam bad ban pynshitom ia kiba donkti katkum ka aiñ.
Kala jan hi kata ka por kat kum ka ktien u Blei ba ngin sa thngan bad ngin sa sliang ym ia ka bam ne ia ka um hynrei iaka ktien ka jong u Blei,haka jing sngew jong nga ngi Ki khristan kiba shong ha kane ka ri khasi ngi long kiba shongsuk te don kam ban phrang iangi ban long ki ba janai,namar lada ngin shu iaid ha ki surok bakylluid te ngin long ki bajanai namar ngi ia long ki nongpop don kam ban sait iaki pop jong ngi.kiba bun ki khristan ha kylleng sawdong ka pyrthei kila iaid hakata ka lynti kaba khim ki shah shitom naka bynta ka kyrteng u Jisu Khrist,to ngin ia duwai bad pan bor na u Jisu Khrist uba u khun u Blei ba un aibor iangi hakita ki sngi ki jingeh jing ialeh ba ngin lah ban ieng skhem ban shakri ia u Trai haleluia Amen.