Yn pynbna kyrtong MP ka UDP hadien ka elskhon MDC

Shillong, 14 Rymphang:
Ka UDP ka la rai ban pynbna ia u kyrtong na ka bynta ka elekson MP hadien ka elekshon MDC.
“Ngi kwah ban bishar bniah ia ka jinglong jingman ha kane ka elekshon MDC shwa ban pynbna ia u kyrtong MP na ka bynta ka Lok Sa bha”, la ong u secretary ka UDP u Bah Allantry F Dkhar.
U la ong ba ka party kan wad jingmut shwa hadien ka elekshon MDC.
U Bah Dkhar uba dei ruh u secretary ka Steering Committee jong ka kynhun bym dei Congress kynthup ia ka NPP, BJP, KHNAM bad UDP, u la ong ba kin iashong jingialang ban wad ia ki lad ki lynti ban wanrah ia ka jingjop ha kane ka kynti na ka Shillong Parliamentary seat.
“Ka Committee la khmih lynti ba kan iakyn duh hadien ka elekshon MDC”, la ong u Bah Dkhar.
Shwa ia kane, ka UDP ka la thmu ban pynieng ia u Bah Paul Lyngdoh kum u kyrtong na ka bynta ka elekshon MP da kaba kyntait ia ka jingkyrpad ka PCF ban kyrshan ia u Pastor PBM Basaiawmoit.