Yn pyn poi kyiad ha ki ing ia kiba la bthah da ki doktor

Shillong: Ka sorkar Meghalaya lyngba ka tnat ‘excise’ ka la mynjur ban pyn poi kyiad sha ing jong ki briew ba la bthah da ki doktor.

Katkum ka shithi da I kong B. Syiemlieh na ka tnat ‘excise’ sha ka ophis treikam ka Deputy Commissioner (DC) ka East Khasi Hills la batai ba ki dukan die kyiad ki lah ban pyn poi ia ki kyiad sha ing jong katto katne ngut ki briew ba la btah bad ba la ioh jing bit na ki doktor haduh 14 tarik iaiong 2020.

Ka shithi ka kdew ruh ba ki dukan die kyiad ki lah ban shim tam 100 tyngka lada pynpoi ka kyiad sha ing jong ki briew ba la ioh jing thoh na ki doktor.

Na ka liang ka tnat ‘excise’ ka la kyntu sha ki bor ka DC ban buh kyndon ia baroh ki dukan die kyiad haba dei bad ka jing pynpoi kyiad sha la ki ing.