Yn plie U MR ia ka Platinum Jubili ha Iongkaluh

Shillong: Hadien ba la bet ia u symbai jong ka jingngeit khristan katholik ha iongkaluh, ka balang mynta ka la dap 75 snem pura.

Yn plie ia kane ka jubilee ha ka 19 tarik January 2020 da u chief minister, Conrad Sangma ha ka jingiadon lang jong u local MLA bad minister shri Kyrmen Shylla bad ruh kiwei pat ki MLA ki MDC, ki riewniam bad ki paidbah ba bun. Ia ka mass bakhuid yn tyrwa da u Most. Rev. Victor Lyngdoh DD Bishop ka Jowai Diocese ha ka jingiatyrwa lang jong kiwei pat ki lyngdoh. Kan sa don ka jinglehburom ba khraw kum ka jingkmen ban pdiang ia ka jubilee da ki shad tynrai bad shad niam.

U chief minister un pynher ia ka lama jubilee bad yn sa pynher ia ki hajar tylli ki baloon jubilee. Ka kane ka sngi kan sa don ruh ka ka jingpynkupbor ia u Rev Fr Simeon Sungoh kum u parish priest ba san jong ka parish Ladrymbai da u Most Rev Victor Lyngdoh DD Bishop ka Jowai Diocese. Ha kane ka jingplie ia ka jubilee la khmih lynti ba bun ki riewheh riewhain bad ki riew sorkar kin wan shimbynt lang