Yn plie ia ki jaka jngohkai, naduh ka 1 tarik u Nailur bad la shah tang ia kiba la dep ai tika

Shillong: Mynta ka sngi, ka 26 u bnai Nailar 2021, u Myntri Rangbah ka jylla, u Conrad K Sangma, u la pyntip ba ka Sorkar Jylla ka la shim ia ka rai ban sdang plie biang ia ki jaka jngohkai ha ka jylla naduh ka 1 tarik u bnai Nailur 2021 bad ki tourist kiba wan nabar ki dei ban pyndep ia ka jingai tika kaba ar(second dose) bad tang kita ki tourist kiba la pyndep ia ka jingai tika kaba arsien ki lah ban wankai shapoh ka jylla Meghalaya bad kito ki tourist ki bym pat dep ai ia ka tika ne kiba dang dep ai tang shisien ki dei ban pynbiang ia ki RTPCR test ban pyni ba kim don jingpang hapoh 72 kynta ba ki la dep ban test hapoh ki entry point.

Ia ki nongshong shnong ka jylla kiba leit ban jngohkai pat la shah ba kin leit sha kano kano ka jaka kaba ki kwah bad la shah ia kiba la dep ban ai pyndep baroh arsien ka jingai tika bad kumjuh ruh ia kito kiba dang dep ai tang shisien ruh bad kito ki bym pat dep ai ia ka tika pat ki hap ban pynbiang ia ka RTPCR test jong ki.