Shillong:Hadien ba na ka liang u MLA na ka Baithalangso Constituency, jong ka jylla Assam, u Rupsing Teron, ha ryngkat ki nongialam ka Karbi Student Association bad ki jaitbynriew Nepali ha ka 5 tarik kyllalyngkot 2022, ki la wan ban pynsangeh ia ka jing pyntrei ia ka scheme Jal Jivan Mission (JJM) ha ka Shnong Ummat, Ri Bhoi District, kaba dang hap hapoh ka Mawhati constituency, na ka liang u Myntri ka tnat PHE ha ka jylla u bah Renikton L Tongkhar, u la ong ba katei ka jing khang ia ka jing pyntrei ia ka scheme JJM haka shnong Ummat kam dei ba wan khang da ki paidbah lane na ki ophisar jong ka tnat ba dei peit ia kane ka bynta, hynrei ka dei ka jing leit khang hi da u MLA.
U bah Renikton u la iathuh ba ha kaba ia dei bad kane ka bynta, na ka liang ka Deputy Commissioner ka la dep ban phah daka jing thoh sha ka sorkar bad na ka liang ka sorkar kan shimkhia halor kane bynta.
U la ong ruh ba ha ka jingshisha ha ka jing ia kynduh jong ki ar myntri ha ka shnong Langpih lah dep ban ia rai ba ia ki kam pynroi lane ki scheme kiba wan na ka sorkar pdeng sha ki bynta khappud ym dei ban khang na baroh ar ki jylla khamtam iaka scheme JJM,PMGSY bad ka scheme Sobhagya.
U Myntri PHE u la ong ruh ba na ka liang jong u,un sa ia kren bad u Myntri rangbah ka jylla u Conrad K Sangma ban tuklar halor kane ka jingshah khang ban pyntrei ia ka JJM ha kane ka shnong.
“Ngin phah tuklar ha u Myntri rangbah halor kane ka bynta khnang ban lah ban pynbeit noh ia kane kham kloi namar ba na ka liang jong ka tnad ka la dep ioh ia ka jingmang pisa sa tang ban pyntrei ia ka, khnang ba ki nongshong shnong ha ka ne ka thain kin ioh ia ka umbam um dih na ka ne ka skim”u la ong.
Phi don ban ong eiei?