Yn peingor lang ha khappud ban khang ia ka jingrung ruh

Shillong, 13 ’lyngkot: Ban pynkhlain ia ka jingiadei hapdeng ka India bad ka Bangladesh, ka jingialang jong ki Deputy commissioner ka
Meghalaya (India) bad ka ri Bangladesh ki la rai ban iatreilang ban peitngor lang ia ki thain khappud ban khang lad ia ka jingwan rung beain ki briew bad kiwei ki kam beain.
Ia kane ka rai la shim ha ka jingialang kaba long hynnin ka sngi ha
nongbah Shillong tangba ia kane ka rai yn sap hah sha ki tnad kam poh iing jong kine ki ar tylli ki ri.
Ka Bangladesh kaba wan mihkhmat da ki Deputy commissioner,
Superintendents of Police (SPs) bad kiwei ki heh sorkar la ialam da u
Deputy commissioner ka Sylhet u Shahidul Islam katba na ka liang ka
India la ialam da u Deputy Commissioner ka East Khasi Hills u Sanjay
Goyal.
Ha kane ka jing ialang la don lang ki heh BSF ka Meghalaya Frontier,
ki ophisar ka Custom bad ki heh shipai Border Guards of Bangladesh(BGB).
“Ngi la rai ban iapeit lang ha ki thain khappud ban pynthikna ba kikam beain kin nym ioh jaka ban rung hapdeng kine ki ri”, la ong u Goyal ha kane ka sngi Nyngkong hadien ba la wai kajingialang.
U la ong ba ka jingialang ka la rai ruh ban iasamlem iaka jingtiphapdeng kine ki ar tylli ki ri khnang ban tehlakam ia ki kam sniew.
U Deputy Commissioner ka East Khasi Hills u la sngew ba kane ka jingialang ka long kaba seisoh bad kan iarap ban wanrah ia ka jingsngew shaniah hapdeng jong kine ki ar tylli ki ri.Katba u Deputy Commissioner ka Sylhet u la ong ba ki la iakren kumnoban pynlong ia ka thain khappud ha bynta ka Meghalaya bad kaBangladesh kaba shngain kaba lait na ki kam runar bad ki kam beain.
U Goyal u la iathuh ba ha kane ka jingialang la iakren ia ki kam naduh ki khappud, ki kam beain, ki mawpud, ki jingker sainar shiah bad kiwei.
Ki la iakren ruh ban buh shuh shuh ia ki iew khappud ban phah sha ki sorkar jong kine ki ar tylli ban leh ia kaba donkam.
“Ka Bangladesh ka sngew khia lang ia ka kam khappud kumba long ka India. Baroh ar liang mamla, ngin lah ban tehlakam ia ki kam beain ha ki khappud lyngba ka jingiatreilang”, la ong u Islam.