Yn pdiang burom ka UDP Ri Bhoi, ia arngut ki CEM barim ka KHADC

Nongpoh:Ka United Democratic Party (UDP) ha Ri Bhoi, kan sa pdiang burom ia arngut ki CEM barim ka Khasi Hills Autonomous District Council (KHADC), kata hadien ba kitei ki CEM barim ka KHADC, ki la kwah ban pyniasoh noh ialade sha ka UDP.

Ia ka jingpdiang burom ia kitei ki CEM barim ka KHADC, yn pynlong ha shnong Iewmawlong Nongpoh bad kitei ki CEM barim ki kynthup ia u Bah Rangkynsai R. Makdoh, nangta u Bah C.B Syiem, uba dei ruh u kyrtong barim ka NPP na Nongpoh bad u Bah R.B Shadap, uwei na ki riew pawkhmat ha Ri Bhoi bad uba dei ruh u President ka Ri Bhoi Dorbar.

Ka jingpdiang burom ia kitei ki riew rangbah ki ban pyniasoh UDP, kan long ha Iewmawlong Nongpoh, ha kaba kin sa don shibun ki heh nongialam ka UDP hapoh ka jylla.