Ka Joint Action Committee (ba kynthup ia ka Shnong Umkiang, Ratacherra, Dona Skur, Dona Umbluh, Pyrtakuna, Kuliang, Borsara, haduh Tongseng), ka la shim ia ka rai ban pakhang surok khlem buh por (indefinite strike ), ia u surok NH-6, ha ka jingialang Paitbah kaba la long mynta ka sngi tarik 15.06.2024 ha Community Hall Umkiang,
Ka sngi sdang pakhang ia u surok NH-6, ka long naduh ka tarik 19.06.2024 (Wednesday), naduh ka por 7:00 AM ter ter. Bad ki Kali ba ka JAC ka shah ban iaid ka long tang ia ki Ambulance, Shipai (force), nongthoh kot khubor.
Ka jingpakhang ia une u surok NH-6, ka long naduh Malidor haduh Tongseng kaba hap hapoh ka Elaka Narpuh, East Jaintia Hills District.
Ka JAC ka la shim ia ka rai ba kane ka jingpakhang surok khlem buh por yn weng tad haduh ba ka Sorkar lyngba ka NHAI / NHIDCL kan shna pyndep ia u surok ban maramot ia ki krem ki kroh ha shilynter u surok NH-6 ha kine ki thain (area) Namchiang bad kumjuh bad shna ia ki nala kiba paka.
Kumta ka JAC ka la kyntu ia baroh ki paitbah nongshong shnong / nongleit nongwan ban iasnohkti lang ha kane ka jingpakhang surok halor ka jingleh kuman bad bym khein snep ka sorkar ia ka Dong ka thain Namchiang, ha kaba pynbha ia u surok NH-6.
Phi don ban ong eiei?