Yn nym plie paidbah ka Raj Bhavan mynta u snem na ka bynta ka jingrakhe sngi laitluid ka Ri India

Shillong: Kumba ju long manla u snem, ka Raj Bhavan, kaba dei ka iingsah jong u Lat ka jylla, ka ju plie paidbah man ka la arsngi kum ka jingrakhe sngi laitluid jong ka Ri, ha kaba ki paidbah ki iohlad ban leit jngohkai bad ban leit iaidkai pyngngad ha ki phyllaw jong kane ka iingsah jong u Lat.

Hynrei mynta u snem ka Deputy Secretary sha u lat ka jylla, ka la pyntip paidbah ba ha kaba iadei bad ka jingrakhe ia ka sngi laitluid ka Ri mynta u snem, ka Raj Bhavan kan nym plie paidbah ha ka 14 bad 15 tarik u Nailar 2020 namar ka jingwan tyllep ka khlam COVID-19 ha ki bynta jong ka sor Shillong.