Yn nang jur ka jing ia khih, bym “pan map” ka kong Ampareen Lashai ka jingialang paidbah ki nong Mawlai

Shillong, 20 Lber:
U paidlang jong ka shnong Mawlai, un nang pynjur ia ka jingialeh pyr shah, ia ka kong Ampareen Lyngdoh, namar ka jing bym treh jong ka, ban pan map bad halor katei ka phang, la pynbeit ia ka jingialang paidbah, ha ka 22tarik Lber 2014 ha Petrol Pump Thangkhiew, ha ka por 11baje mynstep.
La shim ia katei ka rai, ha ka jingialang, da ka joint committee jong ka KSU Mawlai Circle, FKJGP Mawlai Circle,Seng Samla Mawlai Mawdatbaki,Seng Samla Mawlai Pyllun, Mawlai People Forum (MPF), Mawlai People Development Forum (MPDF), HNYF Mawlai Circle, KWADA, Seng Samla Mawlai Nongkwar (SSMN) ha ka meeting kaba la shong kyrkieh mynta ka sngi bad ka jingialang, ka pynpaw ia ka jing bynniaw halor ka jing byn treh jong ka kong Ampareen Lyngdoh, myn tri ka tnat pynroi sor, ban panmap kat kum ka jing dawa jong ka joint Committee jong kitei ki seng ba la kdew haneng, ba la buh por iaka ban pan map hapoh ka arphew saw kynta, kata naduh ka 18tark Lber 2014, ha kaba ka kong Ampareen Lyngdoh kam pat shym leh satia ia kata.
Halor katei ka nongrim ka joint committee ka la shim ia ka rai ban nang bteng ban khang ia ki kali kit Niut ban wan pynhap niut

ha Marten kaba hap hapoh u pud u Sam jong ka shnong Mawlai. La rai ruh ba na ka bynta ban nang pynjur iaka jing iakhih da kaba pynlong syndon ia ka jing ialang paidbah ha ka 22tarik Lber 2014 ha Mawlai Petrol Pump Thangkhiew haka por 11:00 baje mynstep.
Ka joint committee ka kyntu ia baroh ki nongshong shnong jong ka shnong Mawlai ban ia mih paidbah na ka bynta kane ka kam kaba long ka iap ka im bad ka ba ktah ruh ia ka burom ka Ijot jong ka shnong Mawlai hi baroh kawei, ba khamakha yn shu shah khot ei da ka Slum lane ka shnong jong ki riew khlem iing khlem sem.
Kyntang iawai ka Joint Committee ka panmap ruh ia ki para marjan marpa kiba im ha Sor bad khap sor na ka bynta kaei kaba mih na ka jing ia khun jong ki nong Mawlai bad ka kong Ampareen Lyngdoh. “Ngi kyrpad ba kin iai shah shipor bad ban iarap iangi ban pyn sngewthuh iaka jing long laplah jong ka” ong ka kyrwoh na U Samla Marbud Dkhar President FKJGP Mawlai Circle, uba dei ruh U Secretery bad U bah Donbok Kharlyngdoh President KSU Mawlai Circle, uba dei ruh u lamphang ka komiti.