Yn mudui ha High Court, ba sniew surok

Shillong, 1 Naiwieng: Hadien ki ba bun ki jing ujor ba lah phah da u Bah Pynshai.M. Syiem, sha ka tnad PWD NH halor ka jing julor palat ka surok jong ka shnong Lummawbah bad ka jing syier kaba don ha ki nong shong shnong ba iaid lynti bad ki trai kali ki ba iaid lyngba kane ka surok, hynrei haduh mynta ka lah paw ba um i kheiñ snep satia ka tnad PWD. U Bah P.M.Syiem u lah thoh da ka shithi sha u E.E PWD ba un ai por shi taiew naduh ka 2 tarik u naiwieng ban maramot noh kloi ia katei ka surok Lummawbah shwa ban jia kino kino ki jing mynsaw ia ki paidbah shnong ba iaid lynti. Lada hadien shi taiew um iohi satia ia ka jingkitkhlieh ban pynbha noh ia katei ka surok u la ong ba un shim noh da ka kynti ban rah ia kane sha ka High Court lyngba ka PIL.