Yn meh leilieh, tied pyrthat bad hap phria ha ka jylla

Shillong: Ha Shillong, kaba shit eh mynta ka sngi, ka long 14.5 degree, katba kaba khriat eh, ka long 4.5 degree, katba ha Sohra, kaba shit eh, ka long 16.2 degree, kaba khriat eh, ka long 6.8 degree, nangta ha Umiam, kaba shit eh, ka long 18.2 degree, katba kaba khriat eh, ka long 4.6 degree. Ym don slap satia, hynnin bad mynta ka sngi, ha kitei ki lai jaka haneng.

Ha ki 24 kynta ban wan, kan lah ban don ka jinghap slap ha ka nongbah Shillong bad ki jaka ba marjan, katba ha ki bynta jong ka jylla, kan lah ban don ka jingmeh leilieh, ka jingtied pyrthat bad hap phria, ong ka kyrwoh na ka tnat peit mariang ka sorkar India.