Shillong: Ka longkmie Phiralin kan leit mihkhmat ia ka India ha ka jingiakop Mrs TKS International ha Singapore
Ka longknie Phiralin Nongbet, ka la ioh rah ia ka nam lah duh ia ka “Mrs Classic International 2019” ha ka jingiakop kaba la long ha u Naitung 2019 ha Kolkatta bad mynta ka kynti kala shah jied ban leit mih khmat ia ka Ri India ha ka jingiakop “Mrs TKS International” ha ka Ri Singapore.
Haba kren ha ki lad pathai khubor, mynta ka sngi ka kong Phiralin ka la ong “ka jingshah jied ban mih khmat ia ka Ri India ha katei ka jingiakop ka thong jong ka ka long ban pynsngew ba ka jingpyndon kam ia ka plastic ka long kaba sniew bad kan rah ia kane ka khubor.”
Ba ka liang ka kompani saindur private Ltd kala jied ia ka Kong Nongbet ba kan long ka nongrah ktien ha kaba ia dei bad ka jingialeh pyrshah ia ka jingpyndon kam ia ki pla plastic ha kane ka jingiakop.
Ka kong Nongbet ka ba dei na ka shnong ba Umsohsun Shillong, kala don ar ngut ki khun bad ka ai khublei ia la u jong u kurim u ba ai mynsiem ia ka ha kane ka jingiakop. Kane ka jingiakop Mrs TKS International kan long ha u Naiwieng 2019 mynta u snem.
Phi don ban ong eiei?