Shillong,22 Nailur:
Ka synjuk ki samla wad kam kiba la pass ia ka Grade IV ( Association of Qualified Grade IV ha ka jingialang jong ki kaba la long ha ka sngi saitjain ki la shim ia ka rai ban leit ia kynduh bad u Lat ka jylla u K.K Paul ban pyn sngew ha u ia ka jingeh ba ki samla wad kam ki ia kynduh namar ka jingkuman ka tnad DHS ban weng noh ia ki nongtrei ba la shu thung sop sop ha katei ka tnad. Ki samla wad kam ki la iathh ruh ba nalor ka jingleit ia kynduh ia u Lat kin leit ruh ban ia kynduh ia u Chief Secrerary Bah WMS Pariat ka jylla kumjuh ruh u Myntri Rangbah ka jylla u Dr. Mukul Sangma ban pynsngew ha ki ia katei ka jingkuman ka tnad DHS bad kiwei pat ki jingeh jong ki ha kaba ia dei bad ka thung kam thung jam.
“Ngin leit ia kynduh ia u Lat ka jylla ban pynsngew ha u ia kane ka jingeh jong ngi” ong u samla S.Pyngrope General Secretary ka Association , ka daw ba kongsan ba ki samla wad kam ki thmu ban leit ia kynduh ia u Lat ka dei halor ka jingkuman ka tnad DHS ban weng noh ia ki nongtrei ba la shut hung ha katei ka tnad katkum ka jinglap jong ka Association lyngba ka RTI. Katei ka Association ki samla wad kam ki la ong ba ha katei ka jingleit ia kynduh kin ia kren ruh ia ka sorkar ba ka dei ban thung kam noh ia ki 130 ngut kiwei pat ki samla ki bym pat ioh kam namarba ka jingpynjlan por ka sorkar kan kut noh ha une u bnai ban wan.
Phi don ban ong eiei?