Agartala:Ha ka jingshong ia ka Dorbar ba khatlai jong ka jylla Tripura,u Myntri Rangbah jong kane ka jylla u Dr Manik Saha, u la pynbna ban kyntiew noh ia ka mang pisa haba iadei bad ki kam pynroi ha ki constituency ne ka ba la tip kum ka MLA Area Development Fund.
Haba kren hapoh ïingdorbar thawaiñ u Dr Saha u la ïathuh ba ka jing mang pisa na ka bynta u wei u MLA ka long 50 lak tyngka bad na ka bynta jong 60 ngut ki MLA ka long 30 klur tyngka.
Haba buh ia ka jing tyrwa ban kyntiew ia ka mang pisa na bynta kane ka Skhim sha ka 75 lak tyngka, ha kaba ka bhah pisa kan long sa 25 lak sha u wei u MLA.
Ha kaba ki 60 ngut ki MLA kan poi 45 klur tyngka bad donkam ban sa 15 klur Tyngka, ha kaba u la ïathuh, ba kane ka mang pisa thymmai kan treikam noh ha ka mang tyngka jong u snem 2024-25.
Phi don ban ong eiei?