Nongpoh:Ha ka kyrwoh ba la phah da ka ophis jong u District Transport Officer ka Ri Bhoi District, ki la pyntip ba shen ka ophis u DTO kan sa pynlong ia ka jingkhynra ia baroh ki kali ha Ri Bhoi, kata kiba kynthup ia ki kali shimet kiba kamai paidbah bad kumjuh ruh ia kito ki kali kamai ki bym pynbiang ia ki kot ki sla, namar ka la long kum ka jingpynkhein ia ki kyndon ka Motor Vehicle Act.
Lyngba katei ka kyrwoh, kaba la soi da u Bah I. Kharmon, u la pyntip ba katei ka jingkhynra ia ki kot ki sla kali yn pynlong ha kylleng ki jaka jong ka Ri Bhoi District, ha kaba ki ophisar kin khynra ia ka jingdonkam ban don ia ka Registration, ka Fitness, ka Permit bad kiwei kiwei na ka bynta ki kali kamai bad ruh ia ki kali shimet.
Nalorkata, lyngba katei ka kyrwoh, ba ha katei ka jingkhynra ki briew kiba yn sap hah da ka ophis u DTO Nongpoh, kin sa jurip bad pynngat kyndon ne dain kuna ia kito ki nongniah kali ki pyndonkam ia u Seat Belt, ka jingpyndonkam ia ka helmet ia kiba niah kali ar shaka lem bad ki, ha kaba lada lap ia kiba pynkhein kyndon kin sa ngat ha ka jingshah pynshitom kiba katkum ki kyndon ain jong ka Motor Vehicle Act.
Pynbiang noh ki kali sorkar ha man la ki shnong khamtam ha nyngkyndong, namar don bun bah ki shnong ki bym don kali kamai.
check ia ki kali sorkar bad pulit,bun bha ki bym biang kot shuh bad ki driver jongki ki bym biang license bad ki bym ju deng seat belt