Yn khie eriong bad meh leilieh, lashai ka sngi ha ka jylla

Shillong: Ka tnat peit mariang ka sorkar India, ka Indian Meteorological Department, ka ai jingmaham, ba lashai ka sngi, kan don ka jingkhie eriong bad ka jingmeh leilieh ha ki bynta jong ka jylla, katba ha ka nongbah Shillong, kan don ka jinghap slap, kaba malu mala lane kaba kham jur ruh.

Ka Shillong mynta ka sngi, ka ioh slap, kaba long 0.5mm, katba ka Umiam, ka ioh 0.2mm, katba ka Sohra ka slap bniop bniop.

Kaba shit eh ha Shillong, ka long 13.4 degree, kaba khriat eh, ka long 5.0, ha Sohra, kaba shit eh, ka long 14.0 kaba khriat eh 7.0 degree, nangta ha Umiam, kaba shit eh, ka long 17.2 degree, katba kaba khriat eh, ka long 3.8 degree centigrade.