Yn khie eriong bad jur slap lashai ka sngi ha ka jylla

Shillong: Mynta ka sngi, ym don slap satia, ha ka nongbah Shillong, katba ha Sohra, ka jinghap slap, ka long 18.4mm bad ha Umiam, 15.6 mm,katba kum ka kyrwoh jong ka tnat Meteorological Department ka sorkar India.

Hynnin ka sngi, ka Sohra, ka ioh slap 169.8mm.

Lashai ka sngi, kan don ka jinghap slap kaba kham jur, ha ka nongbah Shillong lem bad kiwei pat ki shnong ba marjan. Nangta kan don ka jingtied pyrthat lem bad ka jingkhie eriong, ha kaba ka jingstet kan long kumba 30 haduh 40 kilometre ha ka shi kynta. Kan don ruh ka jinghap slap kaba jur bad kaba jur bha, ha ki bynta jong ka jylla, ong ka khubor.