Guwahati: Ki 40 tylli ki seng bapher na Assam, ki la rai ban khang ia ka leit ka wan sha Garo hills, jong ka Jylla Meghalaya bad katei kan sdang, naduh ka 29tarik Risaw 2020.
Ka daw jong katei ka jing pakhang lynti, ka dei hadien ba la khanglad ia ki nongkhaii na Assam, ba kin rung bad leit khaii sha Garo hills.
Kitei ki seng, kiba don jingthmu ban khang lynti, ki long ka ka All Assam Students’ Union (AASU), ka All Bodo Students Union (ABSU), ka All Moraan Students Union (AMSU) bad kiwei pat.
Kitei ki seng, ki kren lyngngoh ba kumno ka jingkhang lynti, ka dang iai bteng ha ka Jylla Meghalaya, haba ka tnat kam poh iing ka sorkar India, ka la dep rai ban weng noh ia ki jingteh kyndon, ha ka iaid ka ieng bad ka leit ka wan jong ki briew, na kawei ka jylla sha kawei pat.
Phi don ban ong eiei?