Yn khang ki skul, haduh ka 20tarik Jylliew ha baroh ka jylla

Shillong: U Ma Lahkmen Rymbui, myntri ka tnat pule puthi, ka sorkar jylla, u pyntip mynta ka sngi, ba ki skul kin khang, haduh ka 20tarik Jylliew 2022.

Katei ka jingkhang ia ki skul, ka dei na ka daw ba kan dang iai bteng ka jinghap slap kaba jur bha, ha ki 48 kynta, ki ban sa wan.

Ha kajuh ka por, na ka liang U BDR Tiwari, Commissioner & Secretary jong ka sorkar Meghalaya, uba peit ia ka tnat pule puthi, ula pynbna, ba na ka daw jong ka jingjur slap, ka ban iai bteng, ha ki san sngi ban sa wan, kumta la pynbna ban khang ia ki skul ha ka jylla, baroh kawei. La bthah ia ki Deputy Commissioner bapher, ba kin peit ia ka jinglong ka jaka, na ka bynta ban plie biang ia ki skul.