Yn khang ia ka iew Nongjri, haduh Sngi Thohdieng

Shillong: U Bah Mighter N Marwein Rangbah Shnong ka shnong Nongjri South West Khasi Hills District mynta ka sngi u la pyntip ba ka dorbar shnong ka la shim ia ka rai ban khang ia ka iew Nongjri naduh mynta ka sngi haduh ka sngi ka sngi Thohdieng.

U Rangbah Shnong u pyntip ruh ba la khang ia ki briew ia ki kali kiba na bar ban ia rung ia mih hapoh jong ka shnong ha kine ki sngi, ha kaba ka dorbar shnong ka khang ia ka Iew Nongjri ha kine ki hynriew sngi lynter.

Ka daw ba ka dorbar shnong ka la shim ia kane ka rai ka long ban ia da na kane ka jingpang COVID-19, namar kumba ka long mynta la don kawei ka iing ha katei ka thain ba ka DC jong ka South West Khasi Hills ka la pynbna kum ka Containment area.