Yn khang ia ka Iew Langstieh, Mairang la sngi nyngkong

Mairang: U Sub-Divisional Magistrate jong ka Mairang Civil Sub-Division ha ka khubor ba lah pyllait kyrkieh mynta ka sngi ula pyntip ba ka Iew Langstieh, kawei na ki iew kiba heh tam hapoh ka Sub-Division, kan khang ha ka sngi nyngkong, kata, ka 3 tarik u Jymmang, 2021.

Katkum u Sub-Divisional Magistrate, la shim ia kane ka rai na ka daw jong ka jingiai pur stet jong ka khlam COVID-19 hapoh ka Sub-Division bad khamtam eh ha ka shnong Pyndengumiong ha kaba ka Iew Langstieh ka don.