Yn jurip ka JYO ia ka jingkieng Dawki

Shillong,25 Jylliew:
Namar ka jingkit palat pud jong ki trok kiba iaid lyngba ka jingkieng Dawki kaba la wanrah ia ka jingma kaba khraw ia u paidbah ba hap ban iaid lynti na katei ka juh ka jaka ioh ba katei ka jingkieng kan khyllem noh ka Jaintia Youth Organisation ka seng kaba dang shu seng shen ka la pynpaw ia ka jingpyrshah jur ia ki trok kiba kit palat pud bad kiba iaid lyngba katei ka jingkieng ha kaba ka seng ka la pyntip ruh ba bunsien ka la ioh ia ka jingujor na ki paidbah ba katei ka jingkti palat pud ka buh ha ka jingma kaba khraw ia ki.
Kumta ka seng ka la pyntip ba shen kan sa leit ban jurip ia katei ka jingkieng ban khang pyrshah ia ki trok kit palat pud, ong ka kyrwoh na u President ka Seng u Bah Banker Lymba JYO Central Body Jowai.