Yn jur slap bha ka jylla, ha ki 4sngi ban sa wan

Shillong: Ka India Meteorological Department jong ka sorkar India, ka pyntip mynta ka sngi, ba ka jinghap slap, kan iai bteng ha ka jylla, ha ki saw sngi ban sa wan bad kitei ki kynthup, naduh ka 13tarik, haduh ka 17tarik Jymmang 2022.

Ha kine ki sngi, ka jinghap slap, kan long kaba jur bad kaba jur bha, ha kiba bun ki bynta jong ka jylla bad katei ka jinghap slap, kan ktah jubor eh ha East Khasi Hills, South West Khasi Hills, West Khasi Hills, East Jaintia Hills , West Jaintia Hills, West Garo Hills, South Garo Hills.