Yn jubab ki EM, U Bah Ardent:CEM

Shillong, 26 Risaw:
Haduh mynta ym pat don kano kano ka jingbate kam ha ka EC ba thymmai jong bah Adel bert Nongrum,CEM KA KHADC watla la don ka jingbujli ia ka kam EM. Haba iakren bad u Rupang u bah Adel bert Nongrum u la ong ba ia ki jubab na ka bynta ki jingkylli ban wanrah ha ing dorbar katkum ki tnat ba donkam yn jubab da kito ki EM kiba don ha ka EC jong u Bah Ardent miller Basaiawmoit CEM barim.
Bun na ki paidbah ki lah lyngngoh ba haduh mynta ym pat shim lah don kano kano ka jing bate kam ha ka EC ba thymmai jong ka KHADC ka ba la ialam da u Chairman ka ARPA uba long ruh u CEM u bah Adilbert Nongrum hynrei ban pynthikna ia kane u Rupang u la kylli na u CEM mano ban shim ia ka bynta ban jubab ia ki jing kylli kiba iadei bad ki tnad bapher bapher ha KHADC .
Haba jubab ia kitei ki jingkylli u CEM ka KHADC u la ong ba baroh ki jingkylli kiba iadei bad ki tnad bapher bapher yn jubab da ki EM ki ba don ha ka EC u bah Ardent kata ha ka khaii pateng u bah Latiplang kharkongor, ha ka iew u bah Donkupar sumer ,ha ka khjana ka kong Grace Mary kharpuri, haka ain ka kong Rona khymdeit ,ha ka ka kam bylla u bah James Ban basaiawmoit bad kiwei .
Lah ban kdew ba naduh ba u bah Ardent ula risain ia kam CEM la don ka jingkhih win ba jur bha ha KHADC ha kaba la hap ban ia pashat shane shatei ia ka shuki CEM hynrei ha kaba khadduh ka lah poi sha ka KHNAM hynrei wat la ka KHNAM ka la shim ia katei ka shuki haduh mynta ym pat shym lah pynbeit iaka bhah ia ki EM ba kin bat ia ki tnad trei kam jong ki .
Lah ruh ban kdew ba ha ka 28 tarik u risaw ka dorbar tlang jong ka KHADC kan sdang bad ha katei ka dorbar ka liang pyrshah kan tynrah bun ki jingkylli ki ban pynkthah khlieh ia u CEM ka KHADC kaba lah ruh ban long ka jing ia peit khmat na u wei EM sha u wei u EM.