Yn ioh tulop ki nonghikai man u bnai, ong u Director ka DSEL

Shillong: U director ka Directorate of School Education and Literacy (DSEL) ula pynthikna ha ki nonghikai KJDSTA bad GHDSTEA ba ka sorkar kan pynlait tulop ia ki nonghikai man u bnai lada ki DSEO ki lah ban pynbiang ia ki Utilisation Certificate (UC).

Ia kane la iathuh da ki nonghikai ha ka jingpynlait kyrwoh mynta ka sngi hadien ba ki la iakynduh ia u director ha Shillong.

Ha ka kyrwoh ki nonghikai (KJDSTA bad GHDSTEA) ki la ong ba u director ula mynjur ba ka sorkar kan pynlait noh ia ka arrear jong ka jingsiew tulop kaba thymmai shwa ka snem mang tyngka jong mynta u snem kaba mut shwa u Lber 31 tarik bad kan pynkiew ruh ia ka DCRG na kaba mynta ka T.3.50 lak sha ka T.10 lak kumba la tyrwa da ka 5th Pay Commission.

Ha kane ka jingiakynduh, ki nonghikai  ki la dawa ruh ba dei ban pynkiew kyrdan ia ki nonghikai deficit ba pyndep B.Ed sha ka kyrdan principal bad vice principal, nalor kiwei ki kam ba iadei bad ka 5th Pay Commission.