Yn ioh penshon ki nonghikai skul deficit

Shillong, 31 Nailar:
Ka sorkar jylla ka la pdiang ia ka jing thmu ban ai baibam tymmen ne penshon ia ki nonghikai skul deficit ha ki lower primary ban long ka jingshngain ia ki nonghikai.
Haba kren sha ki nongthoh khubor hadien ba la wai ka jingialang ka cabinet mynta ka sngi, u Dr Mukul Sangma u Myntri Rangbah u la ong ba ka sorkar ka la pdiang ia ka jingtyrwa ban ai baibam tymmen ia ki nonghikai deficit jong ki lower primary skul ha ka jylla.
U la ong ba kham mynshwa, ka sorkar ka la ai baibam tymmen ruh ia ki nonghikai Upper primary, secondary bad higher secondary school.
Ka sorkar ka la pdiang ruh ia ka contributory provident fund (CPF) sha ki nonghikai deficit.