Yn ioh arrear noh ki nonghikai deficit

Shillong: Ka tnad pule puthi ka jylla shen kan pyllait noh ia ka arrear kaba ar ne 2nd instalment ha shwa ka sngi nonghikai ne teachers’ day khnang ba ki nonghikai kin ioh ban leh kmen ha ka sngi jongki ha ka rukom kaba iphuh iphieng.

Haba pyntip ia kane, u president ka KJDSTA u Babu Kular Khongjirem u la ong ba ia kane, la pynthikna da ki heh sorkar na ka tnad pule puthi ha ki nongialam ka KJDSTA ha ka jingiakynduh mynta ka sngi.
La iathuh ba ka DSEL ka la pyllait mynta ka sngi ia ka DA arrear kaba sahteng 2% sha baroh ki DSEO khnang ba kin sam noh sha ki skul deficit ha ka jylla.
U president ka KJDSTA u la iathuh ruh ba ia ka tulop jong ka bhah kaba ar ne 2nd quarter jong u bnai Jylliew haduh Nailar yn sa pyllait ha ka taiew ban wan.