Ka jingkhein kaba la thikna mynta ka long ba ka seng Aam Admi Party (AAP), kan ioh ban thaw sorkar biang ha ka Jylla rit ha Delhi, namar ba ka la jop ha 63 tylli ki Constituency na ki 70 tylli ki Constituency kiba don ha katei ka dorbar Jylla.
Ka seng BJP, ka jop tang 7ngut ki dkhot ha katei ka iing dorbar kaba thymmai jong ka Delhi.
Lyngba katei ka jingjop, ka la plie lad mynta ia U Arvind Kejriwal, uba dei u myntri rangbah ka Delhi, ba un bteng ban ialam ia ka sorkar AAP ha ka sien kaba lai.
Kiwei kiba la jop na ki nongialam ba ha khmat ka AAP, ki long U Manish Sisodia, uba dei U Deputy Chief Minister jong ka sorkar Delhi. U Sisodia, ula jop pyrshah ia U Ravinder Singh Negi, uba dei u kandidet jong ka seng BJP, da 3hajar vote ha Patparganj Constituency.
Phi don ban ong eiei?