Yn iakynduh MR ka JACATAM

Shillong, 4 Lber:
Ka Joint Action Committee of All Teachers Association Meghalaya (JACATAM) kan pynlong ia ka jingialang ban jied nongkitkam thymmai ha ka 14 tarik Lber ha H Elias Higher Secondary Nongshilliang, Nongthymmai, Shillong ha ka por 1 baje janmiet.
Ka JACATAM  ha ka 5 tarik Lber 2015 kan leit ban iakynduh ia u Myntri ka Jylla u Dr Mukul Sangma ha kamra treikam jong u ha  Secretariat ha ka por 7 baje janmiet ban iakren halor ka Provincialisation ne ka jingshimti ka sorkar ia ka kam nonghikai jong baroh ki skul ha ka jylla.
Katkum ka jingiathuh u Publicity secretary ka JACATAM u Babu Kular Khongjirem, ka jingiakren lashai bad u Myntri Rangbah kan long hadien ba u director ka DSEL u la phah ia ka kaiphod sha ka sorkar halor kane ka jingthmu shimti jong ka sorkar ia ki kam nonghikai skul baroh ha kane ka jylla nalor kiwei pat.
Ha kawei ka liang, ka JACATAM ka la kyrpad ia baroh ki nonghikai kynthup naduh ki nonghikai Primary haduh ki nonghikai kolej ba kin wan ban iashim bynta ha kane ka jingialang ban jied nongkitkam thymmai kaban long ha katei ka sngi bad kin shim ruh ia kane kum ka jingpynbna lada kim ioh shithi.