Yn iakren u Bah Rowel ia u CEO ba pynrung vote ia kiba artatien

Shillong, 7 Naiwieng:
U Symbud Myntri Rangbah ka jylla ba peit ia ka Election department u Bah Rowell Lyngdoh u la ong ba un sa iakren ia u Chief Electoral Officer (CEO) u Prashant Naik hadien ba la wan phai na Garo Hills ban wad ia ka jingshisha halor ka jingkynnoh ba la thmu ban pynrung kyrteng nongthep vote ia kiba long artatien ha kane ka jylla.
“Namar ba nga don sha Garo Hills, ngam don jingtip ia kane. Hynrei nga wad ia ka jingshisha halor kane” la ong u Bah Rowel ha kane ka sngi Palei.
Ha kawei ka liang, ka FKJGP Nongthymmai Circle ka la buh jingkylli ia ka sorkar halor ka jingpynrung kyr teng ia ki nongwei kum ki nongthep vote ha ka thain Madanryting.
Ha ka kyrwoh ba la pynlait hynne ka sngi Palei, u Information secretary ka FKJGP Nongthymmai Circle u Bah Cornelius Lapasam u la kyntu ia ka tnad Election Commission India ban shim khia ia ka jingpynrung kyrteng ia ki briew ba artatien kum ki nongthep vote ha ka thain Madanrting.
Ka seng ka la iaroh ia ka jingshim khia ka Madanryting Dorbar Shnong, ban khang lad ia ka jingthmu wan rung kyreng ki briew ba artatien kum ki nongthep vote ha katei ka thain.