Yn iakren kam menshohnoh

Shillong, 22 Nailar:
Ka Shillong Press Club bad ka ICARE kin pynlong ia ka jingiaphyl liew jingmut halor ka phang, ka dor kaba ki hap siew na ka jingsuba sniew ne jingngeit bieit, kum ka jingngeit menshohnoh, aiksuid, bad kiwei kiwei ki jingeit kiba don ha ka jaidbynriew Khasi.
Ia kane ka jingiaphylliew jingmut yn pynlong ha Khasi National Durbar Hall ha ka 24 tarik mynta u bnai naduh ka por 11 baje mynstep. Ka jingthmu jong kane ka jingialang ka long ban wad jingmut na ki riewpawkhmat, ki riewshemphang bad na ki paidbah ia ki lad ki lynti ban iada ia ka jingduh ei ki mynsiem briew, ki iing ki sem, ki jingdon jingem, tang namar ka jingsuba sniew iano re iano.
Ha kane ka jingialang la khotlang ia ki nongialam niam na ki Balang bapher bapher, ki Rangbah Shnong, ki Seng Kynthei, ki Sengbhalang, ki Pulit bad kumjuh ruh lyngba kane, la khot sngewbha ia ki paidbah kiba don ka jingsngewkhia halor kane ka phang ba kin ia wan sha kane ka jingialang phylliew jingmut. La khmih lynti ba lyngba kane ka jingiaphylliew jingmut lah ruh ban shim ia ki katto katne ki rai bad ban sa phah pat sha ki bor sorkar ban leh ia kaba donkam.