Shillong: Ka Federation of Khasi States ka la ai dorkhas ha u Conrad K Sangma, myntri rangbah ka Jylla, mynta ka sngi bad ha katei ka dorkhas, la kyntu ia ka Sorkar MDA ban shim khia ban ia kren halor ka Instrument of Accession bad Annexed Agreement 17 tarik Nailar 1948.
U myntri rangbah, u la kular ban khot kyrpang ia ki Khlieh Nongsynshar ban ia kren halor kane ka phang.
Lah ban pynkyn maw ba ka FKS ki la phah ia ka dorkhast ban pyn kynmaw ia ka jingthoh kham mynshwa halor ka ILP kumjuh ruh ka kyntu ban ioh ka jingiada kaba kyrpang ha ka Article ha ka ban pynpaw shai ia ki hok jong ka jaidbynriew Khasi namar ka IOA & AA ka khang ia ki Ain Ri India ba kin shu trei khlem da mynjur shuwa ki Hima Khasi States bad ba kan wanrah ia ka jingsuk ha ka synshar khadar hapoh ka jylla khamtam hapoh ka Ri Khasi.
Ha ka jingiakynduh bad u CM la don lang u Paiem PM Syiemlieh, Syiem Hima Nongkhlaw & Adviser FKS, u Paiem KM Syiemlieh, President, FKS, u Bah H L Ryntathiang, Lyngdoh Hima Lyngiong, & General Secretary, FKS, u Bah W Syiem, Sirdar Hima Nongpoh, Joint Secretary, FKS, u Bah John F Kharshiing, Adviser & Spokesperson, FKS.
Phi don ban ong eiei?