Shillong:Ka Nongthymmai bad ka NorthEast United kin iaknieh ia ka nam lahduh jong ka lympung ialehkai ka U-16 Republic Cup hadien ba ki la lah ba pynliem ia ki jingiakhun kaba long mynta ka sngi.
Ka Nongthymmai ka la pynliem ia ka Langsning da 2-1, katba ka NorthEast United ka pynliem ia ka Rympei da 4-1.
Ia ka North East la thep da u Emboklang Nongkhlaw (16′), Dajiedlang Wanshnong (54′), Tangva Ragui (60′) bad Jehova Lalthangsanga (65′) katba ia ka Rympei la thep da u Darylbert Khongriah ha 69 minit.
Ha kawei ka jingialehkai, u Teibokmi Lyngdoh u la thep ia ka Langsning tang hadien 8 minit ba iaid ka jingialehkai hynrei ka Nongthymmai ka la lah ban pynphai kylla lyngba u Banskhemlang Nongdhar bad sa u Anurag Diwali ban knieh nam tam da 2-1 kol.
Ka jingiaknieh ia ka nam lahduh ka Republic Day, kan long por 1:00 pm ha ka 26 tarik.