Shillong: Ka Punjab bad ka Mizoram kin iaknieh ia ka nam lahduh jong ka lympung Hero Junior National Football Championship ka Dr BC Roy Trophy ha ka sngi Palei ha madan JN Stadium, Polo.
Ka Punjab ka la pynliem ia ka West Bengal ha ka jingiakhun ha ka semi phainal mynta ka sngi.
Ha kane ka jingialehkai, u Seilenthang Lotjem u la thep kawei ka kol ha ka kyllastep ia ka Punjab. Kane ka kol ka la long u nam jop ia ka Punjab kaba la pynthikna ban rung syndon sha ka jingiakhun ia ka nam lahduh.
Lah ban kdew ba ka Mizoram ka la pynliem ia ka Meghalaya ha ka jingiakhun semi phainal hynnin ka sngi da 1-0 kol.
Ka Mizoram bad ka Punjab kila iakynduh lai sien ha ka phainal ka Junior Nationals ha ki snem ba la dep ha kaba ka Punjab ka la jop ha u snem 2015-16 bad 2016-17 hynrei mynshem snem, ka Mizoram ka la jop ia ka Punjab da 2-1.
Ka jingiakhun phainal kan long ha ka sngi Palei ha madan JN Stadium, Polo por 1pm bad yn nym don ka jingkhrong ia ki nongpeitkai.
Phi don ban ong eiei?