Yn iaknieh lahduh ka Congress bad UDP na Langkyrdem-Laitkroh

Shillong, 24 Rymphang:
Ka jingiakhun ha kane ka kynti ha Lang kyrdem-Laitkroh kan long imat hapedeng ka UDP bad ka Congress watla ka KHNAM bad ka HSPDP ki dei kiwei pat kiba lah ban pynkyndit.
U Bah Jansing M Tynsong u dei na ka Congress, u Bah Ryngkatlang Lyndem na ka UDP, u Bah Iengskhem Diengdoh na KHNAM bad u Bah Sam son Suting na ka HSPDP.
U Bah Tynsong u dei u MDC ba mynta uba ioh ia ka jingkyrshan na u MLA bah Prestone Tyn song katba u Bah Lyndem u dei kyrtong uba khlain bha ha ka thain Laitlyngkot namar ka jingkyrshan u MLA ka Sohra u Bah Titosstarwell Chyne.
U bah Suting u khlain bha sha ka thain sharum khamtam ka shnong jongu ka thain Myllat, katba u Bah Diengdoh u don ka ktem ba khlain ha ka Pynursla kum u trai shnong.
Ka jingiakhun ha kane ka elekshon MDC 2014 ha kane ka kynti kan long hapdeng ka party Congress bad ka UDP, tangba ka sngi ba khadduh kan paw ha ka 27 tarik ha kaban yn ia iohi ia ka liem ka lup kumno ki paidbah ki ai ia ka rai jong ki.