Yn iakhun pyrshah ka Agatha ia U Mukul ha Tura, ka Ferlene Sangma na Selsella

Shillong: Ka National People’s Party (NPP), mynta ka sngi, ka la rai ban pyn iakhun da ka Agatha K Sangma, myntri barim jong ka sorkar India, ba kan long kum ka kandidet jong ka kynhun sorkar  Meghalaya Democratic Alliance, na Tura Constituency.

Ka Agatha, kan ia khun pyrshah ia U Mukul Sangma, nongialam liang pyrshah ka dorbar Jylla, ha ka elekshon, ka ban long ha ka 11tarik Iaiong 2019. Ka Agatha, ka dei ka para kynthei jong U Conrad K Sangma, myntri rangbah ka Jylla bad ka khun jong U PA Sangma ba la khlad noh. Ka NPP, ka la pynbna ruh ia U Thangminlien Kipgen ba un iakhun na ka Outer Manipur Lok Sabha constituency.

Ha kawei pat ka liang, ka NPP, ka la pynbna ruh mynta ka sngi, ia ka Ferlene CA Sangma, uba dei u ophisar rim jong ka sorkar Jylla, ha kaba un ia khun kum u kyrtong jong ka NPP, ha ka elekshon shiteng samoi ha Selsella Constituency jong ka West Garo Hills, ka ban long hi ha ka 11tarik Iaiong 2019.