Shillong: Ka wat ba khatduh jong ka lympung ialehkai Junior National Football Tournament 2020 (Tier- 1) na ka bynta ka Dr. B. C. Roy Trophy kan long ha ka nongbah Shillong ha kaba ka kynhun ialehkai U- 17 ka Jylla kan sdang ia ka jingialehkai kaba nyngkong pyrshah ia ka Haryana ha ka 28 tarik mynta u bnai.
Ha kane ka wat kaba khatduh ki don haduh 16 tylli ki kynhun ha kaba yn phiah ia ki ha ki saw tylli ki kynhun. Ki saw tylli ki kynhun kiba wan ha ki kyrdan ba hakhlieh kin ioh rung sha ka semi phainal. Ka Meghalaya kaba don ha ka Group- C kan pynkhreh ruh ia ka jing- iakhun kaba ar pyrshah ia ka Odisha ha ka 30 tarik bad ia ka Sports Authority of India (SAI).
Kiwei pat ki kynhun kiba don ha ka Group- A ki kynthup ia ka Delhi, Goa, Mizoram bad ka Uttar Pradesh. Ha ka Group- B ki long ka Jharkhand, Kerala, Manipur bad ka Punjab. Ha ka Group- D ki kynthup ia ka Chhattisgarh, Jammu & Kashmir, Karnataka bad West Bengal.
Phi don ban ong eiei?