Shillong:U Ma Simon Siangshai, MLA bad MDC barim, ula rai ba un iakhun ia ka elekshon MDC 2019, na Moosniang Rngat Constituency, kaba utei u rangbah, ula jop la ar sien kynthih kum U MDC. Katei ka Constituency, ka hap hapoh jong ka Khliehriat Constituency, kaba ula jop U Ma Simon, la lai sien kynthih, kum U MLA jong ka dorbar Jylla na katei ka Constituency, kaba la ju tip kum ka Rymbai Constituency.
Haba iakren bad U Rupang, U Ma Siangshai, u la iathuh ba um pat rai satia ia ka seng, kaba un ialeh ia kane ka elekshon, hynrei, u pynsngew ba ki paidbah hi kin rai ia ka tiket, kaba un iakhun ia katei ka elekshon MDC.