Shillong: Ka Punjab kan iakhun ia ka West Bengal ha ka in semi phainal jong ka Hero Junior National Football Championship ka Dr BC Roy Trophy hadien ba la rung na ka Group B bad ka D.
Ha ka jingiakhun mynstep, ka Punjab kala pynliem ia ka Jharkhand da 2-0 bad ia kine ki kol la thep da u Seilenthang Lotjem (34′) bad Abhishek Rattu (51′).
Ha ka jingiakhun ka Group B, ka Kerala kala pynliem ia ka Manipur da 3-1. U Mynam Arif Hussain (11′) ula thep ia ka Manipur hynrei ka Kerala kala pynphai kylla da u Mohammed Aimen (44′), Jishnu P (61′) bad u Hafis PA (89′).
Ha ka Group D, ka West Bengal kala pynliem ia ka Karnataka da 2-0 bad ia kine ki kol la thep da u Sani Basu (62′, 76′).
Ha kawei ka jingialehkai, ka Chhattisgarh bad ka Jammu & Kashmir ki iakhaid 1-1. Ia ka Chhattisgarh la thep ha ka 10 minit da u Amit Nag (3′) katba ia ka J&K la thep da u Farhan Nazir Sheikh (8′).
Lashai ka jingialehkai semi phainal kan long hapdeng ka Mizoram bad ka Meghalaya JN Stadium por 1:00pm.
Phi don ban ong eiei?