Yn iakhih ka KSU bad GSU pyrshah ia ka CAB

Shillong: Ka KSU bad ka GSU katkum ka jingpynbeit ka NESO kan pynlong ia ka jingshong kyllaiñ mungor kum shi bynta ban pynpaw ia ka jingpyrshah ia ka CAB ha parking lot hajan Additional Secretariat lashai ka sngi naduh ka por 12 baje mynsngi haduh 4 baje nohphai sngi.

Hapdeng kane ka NESO, KSU bad GSU kin phah ruh ia ka dorkhas sha u myntri rangbah duh ka ri u Narendra Damodardas Modi bad u myntri ba dei peit ia ki kam pohïing u Amit Anilchandra Shah lyngba u lat ka jylla u Tathagata Roy.

Yn wan shim bynta ruh ki seng kum ka Federation of Khasi Jaintia & Garo People, Hynniewtrep National Youth Front, Ri Bhoi Youth Federation, Arunachal Students’ Union Shillong, Shillong Socio Cultural Assamese Students’ Association, Mizo Students’ Union, Naga Students’ Union, Twipra Students’ Federation, Shillong Karbi Students’ Association, All Bodo Students’ Union bad kiwei kiwei.

Kane ka jingshong kyllaiñ myngor kan long ha baroh ki nongbah ka thain shatei lam mihngi, la ong ka kyrwoh na ka KSU.