Yn iaid beit ka pakhang Surok ka JSU

Shillong,25 Jylliew:
Ka pakhang surok miet ka Jaintia Students’ Union (JSU) kan iaid beit kumba la dep ban pynbna ha kine ki khyndiat sngi kata kan sdang naduh lashai ka miet 26 haduh ka miet 28 ha baroh kawei ka Ri lum Jaintia. Na ka liang ka JSU ka pynpaw iaka jingburom ia u Deputy Commissioner bad Superintendent of Police west jaintia Hills District halor ka jingshimkhia ka jongki ban khot iakren ia ka Union mynhynnin ka sngi, hynrei ka JSU kan ym kynran dien namar ka Sorkar hi kam leh lane patiaw ei ei halor kine ki lai tylli ki mat jingdawa jongka Union kiba la buh hakhmat jongka sorkar daki bun bun snem mynta. “Ngin iaid beit shakhmat namar ngim kwah shuh ban mad lane ban ia kynduh iaki jingeh bad ki jingsngewsih kiba wan lynshop haki para doh para snam ki jongngi, kumba ngi la ia takhuh bunsien ha kine kipor bala dep” ong u president ka JSU. Kumta ka por kala ih ia ka Union bad kumjuh ia ki paradoh para snam ban kyndit naka jingioh thiah ban ieng ialeh ban ioh iaka hok ka kynti ka jongngi khlem ka jingtieng jingsmiej ” ko para Ri ba ieid to ngin ieng tylli kawei ban pyni shaka pyrthei ba ma ngi ruh ngi donkam ia ka roi ka par, ka jingkoit jingkhiah bad ki lad jingiada iaka jingim ka jongngi” bynrap biang u president ka seng da kaba kyrpad ruh ia baroh ki paidbah nongleit nongwan kiba shongiew shonghat , ki nongniah kali bad kiwei ba kin ia shim bynta lang ha ane ka pakhang surok miet kaba lai sngi kynthih bad ka seng ka la kyntu ruh ba kin kynmaw ia ki jingshitom ba ki la mad la bun bun snem. Ka seng ka la pynkymaw ruh ba ha kane ka pakhang surok yn ym shah ia ki kali ban iaid lait tang ki kali kit nongpang.