Shillong: Mynta ka sngi ka Khasi Student Union ka la lum ia ka jing ia lang jong ki General Executive Council ha kaba baroh ki dkhot na ki unit, circle bad na ki district bapher bapher ki la wan ban ia shim bynta ha ha Jaiaw shyiap Lumpyllon Comunity Hall.
Ha ba ia kren bad ki lad pathai khubor u president ka KSU, u bah Lambokstarwell Marngar u laong ba ha kane ka jingialang ngi da kawei ka sur ngi la iarai bangin ym lah ban pdiang bad ban pyrshah ia ka CAA,na ka liang ka NESO ki ladep ban ujor da ka mukotduma sha ka ing bishar ka ba heh duh jong ka Ri bad kumta ki dang ap ia ka jing mih ka jingbishar ka ban long ha ka 22 tarik u kyllalyngkot 2020 na ka liang ka KSU kan bteng beit ia ka jingpynshai paidbah.
U la iathuh ruh ba kawei ka mat ba ki iamir ka long halor ka ILP, ha kaba na ka liang ka sorkar jylla ki la dep pdiang ia ka ILP ha ingdorbar, hynrei kat haduh mynta na ka liang ka Sorkar jylla ki khlem da leit ban bud dien bad daw ban ai jingmynjur ban pyntrei kam noh ia ka ILP ha kane ka jylla.
“Ngi kyntu ia ka Sorkar jylla ba ka dei ban pynkloi noh ban pyntrei kam noh ia ka MRSSA ha ka jylla bad ban pynkloi noh ia ki khyrdop ha ka jylla” ong U Bah Marngar.
Ha ka jingialang, ki la shim ruh ia ka rai ba ha ka 22 tarik u Rymphang ka KSU kan sa jied noh da ki wei ki nongkit kam ki ba thymmai.
Phi don ban ong eiei?